Թախտան Դիլիջանում կառուցվող նոր բնակելի համալիր է, որը նախագծվել է Գրին Ռոքի և MVRDV-ի համագործակցությամբ։ Այն ձևավորվել է որպես Դիլիջանի զարգացող էկոհամակարգի մաս՝ հյուրանոցի, Art այգու, համերգասրահի և Cabinet սրճարանի կողքին՝ դառնալով մի տարածք, որտեղ բնությունը, ճարտարապետությունն ու առօրյա կյանքը ներդաշնակորեն միահյուսվում են։

Համալիրի ճարտարապետական կերպարը ծնվել է հենց բնապատկերից։ Շերտավոր տեռասաները, բնական հոսք հիշեցնող կորագծերը և հայկական լեռների ժայռաշերտերից ներշնչված ճակատային լուծումները Թախտան դարձնում են բացառիկ՝ մի կառույց, որն ասես ի սկզբանե եղել է հենց այդ վայրի անբաժանելի մասը։