Փետրվարի 6-ին Գրին Ռոքը և Գրին Ռոք հիմնադրամը հրավիրված էին Տավուշի մարզպետարանում կայացած հանդիպմանը, որտեղ ՀՀ էկոնոմիկայի նախարար Գևորգ Պապոյանը, Տավուշի մարզպետ Հայկ Ղալումյանը, ՀՀ Զբոսաշրջության կոմիտեի նախագահ Լուսինե Գևորգյանը, համայնքների ղեկավարները և ոլորտի ավելի քան 30 խոշոր գործարարներ քննարկեցին Հայաստանի զբոսաշրջության զարգացման 2026–2030 թթ. ռազմավարությունը։
Հանդիպման ընթացքում ներկայացվեցին ոլորտի առաջիկա ուղղությունները, կայուն և բարձրարժեք զբոսաշրջության զարգացման տեսլականը, ինչպես նաև Հայաստանի միջազգային մրցունակության բարձրացման նպատակները։
Գրին Ռոքի համար այս ռազմավարությունը կարևոր ուղենիշ է, քանի որ դրա հիմնարար սկզբունքները՝ կայուն զարգացում, պատասխանատու զբոսաշրջություն և համայնքների հզորացում, արդեն իսկ ներդրված են մեր ծրագրերում և առօրյա գործունեությունում։ Շնորհակալ ենք կառուցողական քննարկման և համագործակցության հնարավորության համար։
