Փետրվարի 11-ին Գրին Ռոքի և Գրին Ռոք հիմնադրամի ներկայացուցիչները հանդիպում ունեցան ՀՀ սփյուռքի գործերի գլխավոր հանձնակատար Զարեհ Սինանյանի հետ։
Հանդիպման ընթացքում ներկայացվեցին Դիլիջանում իրականացվող մեր նախաձեռնությունները՝ ուղղված զբոսաշրջության, կրթության և տեղական ենթակառուցվածքների զարգացմանը։ Առանձնահատուկ ուշադրություն դարձվեց Apicius Armenia միջազգային հյուրընկալության դպրոցին, որը տարածաշրջանում ձևավորում է հյուրընկալության ոլորտի ապագա մասնագետների նոր սերունդը։
Կողմերը քննարկեցին սփյուռքահայերի ներգրավվածության հնարավորությունները, ինչպես նաև համատեղ կրթական և մշակութային ծրագրերի իրականացման հեռանկարները։
