Դիզայնի բաց մրցույթ

Դիլիջանը հայտնի է որպես առողջարանային քաղաք` հարուստ նաեւ պատմական տեսարժան վայրերով:Քաղաքը գտնվում է եզակի վայրում՝ Երևանի և Թբիլիսի խաչմերուկում։ Այս կանաչ օազիսը ոգեշնչող վայր էր նախորդ դարաշրջանի շատ հանճարների համար: Լեռնային անտառներ, մաքուր օդ, պատմամշակութային նշանավոր կառույցներ… զբոսաշրջության զարգացման համար բոլոր նպաստավոր պայմաններն առկա են։

1. Քաղաքը շրջապատող տարածքը ունի ազգային պարկի կարգավիճակ:
2. Դիլիջանում կա 32 ճարտարապետական հուշարձան:
3. Քաղաքում հայտնաբերվել են մեծ թվով հնագիտական ​​գտածոներ:
4. Բնական պայմանները նմանեցնելով՝ քաղաքը երբեմն անվանում են «Հայկական Շվեյցարիա»:

«Գրին ռոք » ընկերությունը նպատակ ունի Դիլիջանը դարձնել էլ ավելի գայթակղիչ վայր զբոսաշրջիկների համար, բարելավել քաղաքի իմիջն ու նպաստել նրա հեղինակության մեծացմանը`մի շարք սոցիալական եւ բիզնես նախաձեռնությունների շնորհիվ:

Ընկերության սոցիալական նախաձեռնություներից առաջինն օրեր առաջ կյանքի կոչվեց. շահագործման հանձնվեց ամբողջությամբ հիմնանորոգված Դիլիջանի մարզահամալիրը: Մանրամասները՝ տես այստեղ:

Նախաձեռնությունը, որի շրջանակներում ակնկալում ենք դիզայներական համայնքի ներգրավվածությունը, վերաբերվում է տաքսի ծառայությանը:

Դիլիջանից այլ քաղաք՝ հիմնականում մայրաքաղաք վերադառնալու դեպքում շատ զբոսաշրջիկներ, ցավոք, առնչվում են մեքենայի բացակայության խնդրին:

Այլ կերպ ասած սեփական մեքենա չունեցող կամ տաքսի ծառայություն նախընտրող զբոսաշրջիկները հիմնականում հեշտությամբ են կարողանում հասնել Դիլիջան եւ բարդ` հաճախ անհնար է դառնում նրանց վերադարձը Երեւան կամ այլ քաղաքներ բարենպաստ մինիմալ պայմաններով կազմակերպելը:

Ոչ մաքուր մեքենաներ, ոչ բարեհամբույր կամ ոչ կիրթ վարորդներ, ոչ տրամաբանական սակագին…

Նշված խնդիրների լուծման համար մենք որոշել ենք ստեղծել տաքսի ծառայություն, որի շրջանակներում կշահագործվեն Toyota Corolla Hybrid 2023 մակնիշի մեքենաներ: Վարորդները կանցնեն որակավորման դասընթացներ եւ կմատուցեն հնարավոր լավագույն սերվիսը զբոսաշրջիկներին:

Եվ այսպես, տաքսի ծառայության մեքենաները բրենդավորելու համար «Գրին ռոք » ընկերությունը հայտարարում է տաքսի ծառայության մեքենաների բրենդավորման դիզայնի բաց մրցույթ:

Մրցանակային ֆոնդը՝ 1 մլն ՀՀ դրամ։

Մրցույթի մասնակցության պայմաններին ծանոթանալու համար անցե՛ք հղումով: