Հունիսի 28-ին տեղի ունեցավ “City Talks: Live Podcast” միջոցառումը «Երևանի ճարտարապետական ապագան» վերնագրով։ Միջոցառումը միտված էր ամփոփելու “City Talks: Live Podcast” -ի առաջին եթերաշրջանը և հայատարարելու գալիք երկրորդ եթերաշրջանի մասին։
Միջոցառումն իր մեջ ներառում էր պանելային քննարկումներ, բանախոսություններ և Q&A (հարցուպատասխան)։
Քննարկման խոսնակների թվում էին ճարտարապետական ոլորտի այնպիսի ներկայացուցիչներ, ինչպիսիք են՝ «Ստորակետ» ճարտարապետական ստուդիայի համահիմնադիր և տնօրեն Մերուժան Մինասյանը, գեղագիր, դիզայներ, մանկավարժ Ռուբեն Մալայանը, «ՍՆԽ» ճարտարապետական ստուդիայի համահիմնադիր Աշոտ Սնխչյանը և «ՆՊԱՏԱԿ» կրթական հիմնադրամի եւ «Տարբերակ» ճարտարապետական արվեստանոցի համահիմնադիր Կարեն Բերբերյանը։ Պանելային քննարկման խոսնակները “City Talks”-ի առաջին եթերաշրջանի թողարկումների հյուրերն էին, ովքեր համախմբվել էին մեկ դահլիճում քննարկելու և ներկայացնելու իրենց մասնագիտական դիրքորոշումը կապված ազգային տեսլականի, Երևանի քաղաքաշինական խնդիրների և հետագա զարգացման ուղղությունների հետ։
Այսպիսով “City Talks: Live Podcast” միջոցառմանը ներկա էին փոդքասթի նախորդ դրվագներից հյուրեր, «Green Rock»-ի անձնակազմը, ընկերության գործընկերներն ու համայնքի ներկայացուցիչները։
Փոդքասթի վերջին դրվագի ընթացքում բանախոսները հաղորդավար Մարկ Գրիգորյանի հետ քննարկեցին Երևանի ճարտարապետական ապագան, հիմնական մարտահրավերներն ու հնարավոր լուծումները և պատասխանեցին ներկաների հարցերին։ Պանելային քննարկումներից հետո հյուրերին սպասվում էր Networking ուղեկցվող քեյթերինգով և երաժշտությամբ։
Միջոցառման հեռարձակումը հասանելի է GreenRock ընկերության պաշտոնական YouTube-յան ալիքում։
