Ձմեռը շինարարության դադարի համար չէ։
Գրին Ռոքի նախագծերի համար սա ժամանակ է, երբ պլանավորումը, ինժեներական լուծումները և թիմային աշխատանքը շարունակվում են՝ անկախ եղանակային պայմաններից։
Վերջին երեք ձմեռային ամիսների ընթացքում զգալի առաջընթաց է գրանցվել մի շարք նախագծերում՝ Կամպուս, Վիլլա 3 Community Hub, Apicius Armenia և Կաբինետ ռեստորան-սրճարան։
Կամպուս
Շարունակվել են շենքի ֆասադային աշխատանքները։ Միաժամանակ սկսվել են ներքին տարածքների ձևավորման աշխատանքները։
Մի շարք տարածքներ արդեն վերանորոգվել են, իսկ որոշ հատվածներում սկսվել է կահավորման գործընթացը։ Սա կարևոր քայլ է դեպի նախագծի հաջորդ փուլը։
Վիլլա 3 Community Hub
Վիլլա 3 Community Hub-ում արձանագրվել են կարևոր արդյունքներ։
Ֆասադային աշխատանքներն ամբողջությամբ ավարտվել են։ Դրսում սկսվել են բարեկարգման աշխատանքները, իսկ ներսում ակտիվորեն շարունակվում են հարդարման աշխատանքները։
Նախագիծը աստիճանաբար մոտենում է իր ավարտին։
Apicius Armenia
Apicius Armenia նախագծում շարունակվում են կառուցողական աշխատանքները։
Ավարտվել են երկաթբետոնե կոնստրուկցիաները, ինչը հիմք է ստեղծում հետագա փուլերի համար։ Միաժամանակ շարունակվում են նախագծային և ինժեներական աշխատանքները։
Կաբինետ ռեստորան-սրճարան
Կաբինետ ռեստորան-սրճարան նախագիծը մոտենում է ավարտական փուլին։
Ձմռան ընթացքում իրականացվել են վերջնական ճշգրտումներ, ինչպես նաև ավարտվել են կահավորման աշխատանքները։ Տարածքը աստիճանաբար ստանում է իր վերջնական տեսքը։
Շինարարությունը շարունակվում է տարվա բոլոր եղանակներին։
Գրին Ռոքում որակը և մանրուքների նկատմամբ ուշադրությունը առաջնահերթ են՝ անկախ եղանակից։
