Հուլիսի 12-14-ը Դիլիջանի մարզադպրոցի սաները մասնակցել են հունահռոմեական ոճի ըմբշամարտի դեռահասների մրցաշարին և գրավել առաջատար տեղեր։
Դիլիջանի մարզադպրոցի 14 երիտասարդներ զբաղեցրել են առաջին, երկրորդ և երրորդ հորիզոնականները, ինչը մեծ ուրախություն և հպարտություն է բերել համայնքին։ Երեխաներին իրենց ձեռքբերումներում խրախուսելու և հաղթանակի կապակցությամբ շնորհավորելու նպատակով «Green Rock»-ը կազմակերպել է փոքրիկ միջոցառում հենց Դիլիջանի մարզադպրոցում։
Միջոցառման ընթացքում հաղթող երեխաներին հանձվել են դրամական պարգևներ, ինչպես նաև խրախուսական նվերներ՝ մարզիկներին ու մարզիչներին։
Միջոցառմանը ներկա էին Green Rock -ի անձնակազմը, սպորտդպրոցի մարզչական անձնակազմը, սաներն ու իրենց ծնողները։
Նման միջոցառումները կարևոր են երեխաների մոտ հաղթանակի և նվաճումների հանդեպ ոգեշնչման համար, ինչպես նաև նպաստում են մարզական ոգու և համայնքային միասնականության զարգացմանը։
